Uf dere Site düe mir Öich üsi Gescht vorsteue!

***************************************************************************************

2011

Üse Hügli isch am 22. Septämber Gascht uf üsem Boot gsi! Gfischet hei mir o, aber es isch glichviu los gsi
wie zwe Täg vorhär. Aber luschtig isch es auimau gsi! Lueget säuber unger dr Rubrick Schiffenensee!



Dr Chlöisu isch am 20. Septämber mit uf e See cho. Leider het sech dr See für Tod erklärt.
Einzig es ca 20er Hechtli het sich uf mis Angeli gstürtzt. Derfür, si mir bis zur Friburger-Unterstadt ufe gfahre.
So wit wie no nie!
 

2. Ouguscht 2011 hetz ändlech klappet, dass ig mit mim Göttibüebu Luky uf e Schiffenesee ha chönne ga.
Es isch nid e grossi Usbüttig gsi, aber immerhin het är vier Egli chönne hei nä.





***************************************************************************************

2010

 Am Sunntig 29. Ouguscht 2010 ha ig dörfe dr Thömu uf üsem Böötli und See begrüesse.

Gross gfischet hei mir nid. Usser zwöi ungermässegi Egli hets nüt gä. Derfür hets am Thömu am Motor u am Stür fröid g'macht.
U z'Gmüet isch natürlech nid z'churz cho.

***************************************************************************************

2009

Donschti 11. Juni 09; Dr Remo chunnt mit sim Kolleg, em Säschu, mit. Z dritte höch hei mir dä Abe vom Hafe ufe bis zur Autobahnbrügg
u wieder zrügg verbracht. Vom vieri bis öppe am haubi zähni si mir uf em Bootli gsi u hei e hampfele Egli usezogge.




 

Am Sunntig 17. Juni 07 am Morge am füfi, si dr Remo u ig (dr  ander) uf e See!

Vom Morge am füfi, bis am Nammitag am vieri, si mir denn uf em See gsi. D'usbüti isch nid gigantisch gsi!

Drü Egli, u we me die anenang greit het, de hets de grad maximum 45 cm gä.

Nichts desto trotz, isches e schöne Tag gsih! Luegit säuber..........

Das isch dr Märcu:

Är isch üse Pächvogu. Mit de chline Egli het ärs guet! Aber uf grossi Fäng muess är haut no chli warte.

Derfür!!!! Är het die gröschti Fischerusrüschtig.........