Uesi Faeng
Hie zeige mir Öich üsi Fäng:
2010
Sodeli, Chrischteli het das Jahr ou agfange u am
16. Apriu sini
2 erschte Foräuene us dr Saane zoge.
Lad sech ämu scho mau la gseh die zwe! Oder?
Am 10. Juni hei ou d'Egli zum erschte mau bisse im
Schiffenesee!
29. Juni e stouzi 40er, 37er u 27er us dr Ämme
Donnschti 26. Ouguscht bi ig am Abe mit em Remo bi
ihne obe mit dr "Red Perl" ga mis Glück probiere.
Immer mit em Gedank mim Schatz es Hechtli hei z'bringe. E
voila.............
-------------------------------------------------------------------------------------------------------
2009
Ohni Wort........
Gschicht vo däm Butzli finget Dir unter dr Rubrik
"Schiffenesee"!
Es
isch wieder sowit! Mir dörfe uf em Schiffenesee wieder fische.
Es het ou nid schlächt agfange. Am zwöite Tag (17. Mai) Ha i scho mau 4
schöni Egli usezoge (18, 24, 32 und 36 cm).
Z'wüschedüre, wo ig mau uf e Stöffu ha gwartet, hani scho mau es Hechtli
use zoge.
Klar nid es Ries, aber für üse Bachofe mit 62 cm gnue gross.
U när isch äbe wiedermau es 42er Egli nache gsi!
e wahri fröid...........
-------------------------------------------------------------------------------------------------------
2008
Da
mir i däm Jahr nid uf em Schiffenesee hei dörfe fische, hei mir üses
Glück vor auem ir Ämme versuecht.
Zwüsche d'ine si mir ou mau id Sense oder
z'absolute Highlight isch in Nova Scotia (Kanada) gsi.
Am 17./18. Mai hei dr Stöffu u ig bir
Rosmarie und Walter Lehmann z'Langnou Gasträcht übercho.
Dört het mir dr Stöffu zeigt, wie me i de Flüss duet Fische. Das ärs cha,
het är mit dene Foräunene bewiesse:
Am 2. Juli bi ig am morge früeh a Arnensee.
Bereits nache öppe em dritte Wurf, ha ig mini erschti u für dä Tag
einzigi,
Rägebogeforäue gfange:
U itze chunnt d'absolute Highlight vom 2008! D'
fäng vo Kanada!
i bi ja nid de Hirsch vo üs zwene, aber z'Kanada ha ig dr erscht usezoge.....
.....u dr Stöffu nume 10 sekunde später dr zwöit!
Guet, gibes ja zue, dä ha ig im Lade gfange! Aber guet isch är trotzdäm
gsi!
Dr Hermann
(bsitzer vor Big Intervale Lodge in Cape Breton) het üs die schöne
plätzli zeigt.
U mir het är a eim Tag zeigt, wie me duet Flöigele.
Da si mir an e Pool ga fische, wos ou lachse het kah. Leider het keni vo
üsne Flöige e Lachs chönne fa.
Derfür hei mir umso meh fröid a dene Foräue kah!
Grad bi üs ir Lodge, isch es ou mega schön gsih u o dört het mir dr
Stöffu zeigt, wär dr Meischter isch.
D'Ferie si gäge z'änd gange, u mir si no ir nöchi vo üse Hus dört häre
ga fische, wo mir die zwe erschte gfange hei.
Dört het dr Stöffu ou die zwe letschte no gno......
Back to the roots! Ou hie ir Schwiz isch es schön. So bi ig einisch meh
id Ämme ga mis Glück ga probiere.
(chliners Land, chliners Föteli)
-------------------------------------------------------------------------------------------------------------------------
2007
Am 24. Mai 07 ha ig mi erscht Hecht vo däm Jahr it'z Boot zoge
67 cm u 2'200 gramm isch dä! So richtig zum dri bisse!
---------------------------------------------------------------------------------
Am 28. Mai het dr Stöffu ou öppis gfange!
Leider isch es uf em Biudeli nid erkennbar.
Aber es wär es Egli vo stattleche 17 cm.
---------------------------------------------------------------------------------
16. Juli isch dr Märcu ou mitcho (z'Biud chunnt de no). Dört a däm Abe, het är aus einzige drü Egli zoge.....
Aber äbe, ou die si fasch numme mit dr Luppe z'gseh. Für e Stöffu u ig het är drum dr Übername
KSKF
= Kaffee-Siebli-Kescher-FischerDä Kescher muess so fihn si, schüsch würde ihm sini Fische dür z'Netzli keie.
---------------------------------------------------------------------------------
17. Juli isch dr Tag gsi, wo mir hei am Stöffu sis Boot müesse prüefe. Drum si mir scho früeh uf e See. Am füfi am Morge si mir i See gstoche.
Verschideni Büchtli hei mir b'suecht u si wit ufe bis nach der Isebahnbrügg vo Fribourg ufe tuckerlet.
Bim zrügg fahre hei mir de ändlech es Näscht gfunge wos viu Egli kah het. Aber äbe..... wieder nume so chlini Sieche.
Mir hei rund 16 Stück vo dene mit hei gno. Gäge die sächsi am Abe, hei mir hei i Hafe weue. So bim zrüggfahre ha i doch nomau mi Löffu gschosse und siehe da;
Innert zäh Minute ha ig zwöi Egli gfange vo 28 und 32 cm. Eifach dr Hammer zum Abschluss.
---------------------------------------------------------------------------------
18. Juli da bi ig am Abe scho deheime gsi, eigentlech no müed vom Vortag und vom Bügu, da het mi dr Stöffu überschnurret,
dass ig doch nomau söu i See stäche. So bi ig haut am Abe nach de sibne no mau gange. Nach ere Stung ha ig dänkt i höre uf zrügg richtig
Hafe gfahre. Wie am Vorabe ha ig dänkt; "Alle guten Dinge sind drei"! Päng hets gmacht u luegit säuber....
42 cm isch dä Mocke! Zwöi schöni Filet hets gä grad um die 280 gramm schwäri! Das isch nid ganz d'heufti vo aune zäme vom Vorabe,
wo mir öppe 18 Stück hei kah. I dänke d'Saison het agfange u nach mine Ferie, isch dr Seespiugu e Meter tiefer......... It'z geit'z los!
---------------------------------------------------------------------------------
| Copyright © 2009 mc-homepages. Webdesign by Max Christen Last update: Samschti 28. Ouguscht 2010 --> Uesi Faeng |
............zum Gästebuch |