Sorsele (S) 17.7.-24.7.2011
Sunntigmorge am drü, dr Roger hout dr Remo u mi z'Loupe bir Michèle u Remo deheime ab.
Mir fahre nach Burdlef u lade dört am haubi vieri dr Erich no uf. Itze si mir komplett u chöi üsi Ferie
in Sorsele (Schwedisch Lappland) i agriff näh. E Wuche lache, gröhle u träne furze si agseit!
Hie e mau die vier Protagonischte:
Am Morge, zwüsche füf u sächs hei mir
(v.l.n.r. Roger alias Bocusse, Remo alias Remobien, Erich alias Petit-Bocusse u mi allias badmax61)
doch uf üsi Ferie z'Züri-Chlote a-gstosse!
und los isch es gange.....
.....mit emene zwüschestop in Stockholm.
In Lulea a cho, hei mir üses Outo übernoh. D'spannig isch gross gsi, ob mir üses Gepäck uf e Schoos müesse nä?
Ungerwägs hei mir de o scho die schöni Natur chönne gniesse u elei si mir ou nid gsi!
Nach zwenehaub Stung si mir bi üsem Hüsli "Abborre" in Sorsele acho. Z'Gabi het üs Sorsele i empfang gno
und üs zum "Abborre" bracht. Üses deheime für e Wuche!
Mir si no kehni 15 Minute bim Hus gsi, het dr Remo dütlech zeigt, was die Wuche hie abgeit!
Dr Roger und dr Erich hei im Houpthus (im Guggerzitli, vo dem de später) iri Zimmer bezoge. Dr Remo und i im üsserschte rächts gäge See.
Auess isch perfekt gsi! Chuchi mit Zubehör, d'Bett und das ganze Ambiente rundherum bis uf e Messi üse Nachbar (nid dä vo Barcelona)!
Mir hei no schnäu gluegt, was es um z'Hus ume het. Z'Bootli hei mir nume am erschte u letschte Tag brucht,
u das ou nume öppe je max. 45 Minute.
Am Abe si mir no schnäu a ne Schweue e stung lang üssi Muggeruete ga warmschwinge.
Am Mäntig hets de söue losgah! Aber äbe.... söue!
Ob itze dr Erich oder schüsch e Götti, hätti itze äbe nid ar Schnuerr söue risse.
Doch ändlech, es isch los gange. Es si scho chli anderi Gwässer. Mir si am Laisälven gsi, wo mir eigentlech gmeint hei, es sig e chline Fluss
oder gar e Bach! Für e Remo, wo scho sehr guet cha Müggele u für mi wo das no nid e soe behersche, isch es e grossi herusforderig gsi.
Mir hei nid lang müesse warte bis mir es paar Äsche gfange hei. Viu hei mir wieder zrügg itz Wasser ta u nume grad das gno, wo mir hei
chönne verwährte. Es isch schön, dass me d'Äsche wo grösser si aus 40cm wieder muess zrügg tue. Derfür dörftme die chlinnere aui nä.
So hei mir immer seregi gno wo zwüsche 28-40 cm si gsi u das numme 2 pro Tag pro Person.
Bi de Foräue isch es e chli angers. Die müsse mindeschtens 35cm si u me darf numme eine pro Tag näh. Ausso nüt vo Fleischfischer u so und
das sötti ou bi üs e so si.
Äbe da wäre mau zwöi schöni Äscheli's!
Das isch übrigens ou dr einzig Tag gsi, wos die ganzi zyt gschiffet het. Aber das het üs zwene nid im gringschte gstöhrt.
Dr Roger und dr Erich, üsi zwe Wandervögu si i Bärge. Ou wes usgseht aus dr Roger i Chrieg müessti....
Si hei ämu glich e trochnigs Plätzli gfunge zum z'Mittag nä oder Zvieri.
Am Abe hei mir du die zwe Äscheli filettiert und im Butter la vergah.....
Läck mir (sorry) aber so öppis guets a Fisch ha ig mire läbtig no nie ka. Zum erschte mau ha ig, u i gloub die angere o, e Äesch gässe.
Mir si aui überrascht gsi, wie zart u fin dä Fisch isch. Eifach e Wueuche.......
Dr Roger isch äuä scho chli nidisch gsi, was dr Remo u ig da hüt useghout hei. Er het när versuecht sich ou e Kescher z'baschtle u das mit emene
Fotoladegrät u mene Chuchisibli!
......und dr Morge isch scho gli cho. Mir heis eigentlech gar nid gmerkt.
E churze momänt Truurstimmig! Dr Grappa isch nach 36 Stung vernichtet gsi!
Aber nach 5 Sekunde isch d'Stimmig wieder da gsi......
Es isch ja immer, ussert wes nid bewöukt isch, Taghäu gsi. Isch der Mond füre cho, isch uf dr angere Site d'Morgeröti i vouer Pracht erschine.
Malerisches Haus AbborreNatur pur und absoluti rueh!
Trollforsen, e troumhafti Schweue, wo mir dr ganz Tag und fasch die ganzi Nacht verbracht hei. Fische hets dört nid i umängeni ka. Ämmu nid mässigi!
Derfür isch es eifach dr HAMMER gsi!
Uf dr Schweue acho, het üs e gigantischi Mur erwartet u met het zmitz use chönne loufe i Läisälven. Mir hei dört eigentlech scho chli me
Fischaktivitäte erwartet! Aber villech isch es ja ou a üs, oder de ämu a mir glägge. Dr Remo het uf au fäu ke Sekunde usglah und het
sini Flöige sicher 3'000 mau uf d'Reis gschickt!
In Anbetracht, dass dr Roger und dr Erich scho gli wärde cho,hei mir scho mau gluet, dass mir füür hei u dr Remo het scho mau es Apéro zum Fluss use gno!
Dr Bocusse isch trotz ere klaffende Fleischwunde am Schinbei, sofort hinger zrüschte gange!
.....das muess eifach guet cho!
Bocusse u Petit-Bocusse si nache gsi mit Brätle........... Das heisst le Petit isch hinger dr Kamera vürecho!
mmmmhhhhhh lecker, es mögti doch no es Fischli verlide?Remo sei Dank, bim Wurf 2'713 hets de no e Foräue gäh:
Woubemerkt, es isch öppis nach de eufi ir Nacht gsi. Dr Mond isch da u aui vier si z'fride wie nes Schitt am Läbe gniesse.
Die het äuä öpper vergässe...........
Wie scho mau erwähnt, dr Mond isch über üs und hinge geit scho baud d'Sunne uf! Zyt ca 01:00!
Irgendeinisch hei mir de dä schön Platz verla. Mir si richtig Abborre gfhare, wo dr Remo doch d'Idee het ka, ME CHÖNNT JA NO A BÄRGSEE!!!
Es isch churz vor de zwöi (ir Nacht wou verstande) wo mir du links zum Bergsee si abboge. Dr Erich het gloub dr Motor no nid abgsteut, scho het dr Remo sini Ruete im
See gschwunge!
...üsi zwe WanderVögu hei Du z'gfüeu ka, dass mir itze aber o no chli opsi loufe!
Derfür hei mir no die Wunderbari Ussicht dörfe gniesse.
(Das Biud isch nid um die glichi Zyt gmacht worde, aber am gliche Ort)
Die si den gmacht worde wo üser zwe Bocusse no mau uf dä Hoger si.
Es isch de haut am Morge bim ufstah e chli später worde! Es spiut ja keh roue, wenn das me ufsteit, me isch ja i de Ferie u für z'Fische in Lappland um die Jahreszyt
isch es nie z'spät!
Guet gsättiget si mir de a Vindelälven üses Glück ga probiere. Dä Fluss isch riesig! U mit riesig meini de das o so!
U trotzdäm, hei mir es paar Äschelis gfunge.
Am Abe hets ämu wieder für aui wieder öppis gä!
Wärenddäm die einte am Choche si gsi, het dr Remo scho wieder die nächschte Mugge parat gmacht!
Dr Bocusse u dr Petit-Bocusse hetz ou e chli packt! Beide hei ou säuber e chli Müggeli bunge
...u
scho gli isch wieder Morge gsi!Das isch üse Favoritefluss gsi.
Hüt hei üsi zwe Wandervögu ou e chli weue Fische!
Drum si mir mit Ihne a nes Seeli. Leider isch es ussert schön nid für viu gsi. Si hei dä Lehrblätz ou müesse Zahle, dass es nid
säubschtverständlech isch, dassme e Fisch hei bringt!
wöu mir numme Kunstköder derbi hei kah, het sech dr Remouf d'suechi vo natürleche gmacht! Lueget säuber (uf eigeti Verantwortig)!
e toti Mus u die vou Madli!!!!!!!!!!Was äch üsi zwe Bocüsse usmache?
Mir si de e chli witer, wieder a ne Schweue am Laisälven.
Dr Roger het aues gäh zum fürle.......
....u när äbe leider o! Aber löme das!!!!!!Am Erich het das gfaue u isch z'fride u häppy gsi.
Am Abe, es isch würklech scho churz vor de nüni gsi, si dr Remo u ig no einisch use.........
....das Äscheli het dr Remo am 22:34 i de Fingere kah!
...u när wiedermau z'Morge näh...
....u när ab uf Ammarnäs!
U hie het dr Remo das Ascheli usegnoh! Dr BigOne us üsne Ferie! Gratuliere.........
Später si mir no chli witer ufe am Vindelälven! Leider si mir nid usgrüschtet gsi, für die berüehmte Ammarnäs-Foräuene.
Aber mir si ja scho glücklech gsi über die schöne Äschelis und Foräue wo mir im Laisälven hei dörfe z'gspüre und z'häbe übercho.
Finget dr Fähler!
Womir de de heim si gsi, hei mir de gwüsst, werum das BigOne-Äscheli uf e Remo si Fauter isch los gange.....
Üser Ferie gö langsam z'änd....... (sniff)! Aber ei Vorteu hetz, mir chöi när deheime üsi KaterKarloBärt abhoue!
gäu Roger?Aber äbe, d'Ferie gö langsam z'zänd! No hei mir e Tag wo mir hei chönne die Sunne, z'Wasser, d'Natur und und und chönne gniesse.....
weiss o nid, was dr Remo da z'schmolle het kah?Am Samschti isch de Gabi zu üs cho. Es RIESIGS MERCI a z'Gabi. Si isch die, wo zu däm Hus luegt u ganz nützleche Informatione witergit.
U när isch es de so wit gsi, z'letscht mau no a ne Forsen (Schweue)!
nid nume d'Wasser si immäns nei ou Böim -->
I häts no baud vergässe; Dr Roger (Bocusse) u dr Erich (Petit-Bocusse) hei äbe je es Zimmerli ka.......
u we si itz Bettli si, isches wie nes Guggerzytli gsi
Einisch rundeherum..... und si hei friedlech pfüsselet!
MERCI LIEBI FRÜNDE!!!!!!
Es isch für mi e unvergässlechi Wuche gsi! mir hei glachet, u no mau glachet u am schluss si mir verguggelet!
Mir hei e Wuche kah, wo mir delux g'Ässe hei u das immer deheim. Jede het si Bitrag derzue gleischtet, dass es so guet isch use cho.
Es Merci ou üsne Lüt, wo üs mit ere riesige Überraschig z'Chlote si cho abhole.
In Kürze, wärdet Dir sicher no meh Biudli vo üsne Ferie hie gseh. So baud die vom Erich und Roger uf mim Compi si,
wirde die hie ouno veröffentleche!
Bis baud so long und häbets guet.............
und zum Schluss no das...........
|
Copyright © 2011 mc-homepages. Webdesign by Max Christen Last updates: Fritig 11.Novämber --> Aare und Schiffenensee Sunntig 16. Oktober --> Bielersee |
............zum Gästebuch |