Oeschinensee
2011
So früeh im Jahr bi ig no nie am Öschi gsi. Sunntig 2. Januar zäeme mit em Remo und em Säschu.
Sicher über hundert Fischer u drümau soviu Löcher hets uf däm Isfäud, wo ca 15 cm dick isch gsi, ka.
Rundume hei si gfange wie verruckt. Zwe Meter nebe üs hei si Voupack usezoge u bi üs dreine hets grad e mau eini gä.
Bravo Remo............
-------------------------------------------------------------------------------------------------------------------------------------
2010
Mäntig 27. Septämber!! I ha doch gmeint, z'Isfische föngi ersch ab em 1. Januar a.
Mit em Remo zäme si mir am Morge uf z'Gondeli. Scho nach 90 Sekunde fahrt, si mir ir
tief verschneite Bergwäut gsi. Mir si ja mau gspannt gsi, was hüt am See sött passiere!
Mir hei üses Bootli gno u si mau losgruederet. Das het ämu de wieder e chli warm gä.
A däm Punkt, wo mau dr Märcu u ig scho ma es Six-Päck hei usezoge, si mir wieder gstrandet.
Bereits nach 10 Minute het dr Remo scho zwe Rägebögeler dusse kah. Sötti das öppe so witer ga?
Ungloublech! Tatsächlech hei mir gäge Mittag versuecht z'Fische, dass es e chli schwiriger wird zum Bispiu mit
dr Flöigeruete, uf em Grund oder mit em Wobbler. Uf au das hei die Fische nid weue ragiere. So hei mir de haut
wieder uf die erfourichi Art umgsteut und scho nach wenige Minute ha ig u dr Remo müesse ufhöre fische!
Judihui, isch da hüt Poscht ab!
-------------------------------------------------------------------------------------------------------------------------------------
Fritig 12. Februar! Dr Stöffeli isch z'erscht mau i sim Läbe mit cho Isfische. Mit derbi si ou dr Andi Graf mit sim Sohn dr Jonas und
natürlich si ou dr Remo und dr Säschu wieder derbi.
-------------------------------------------------------------------------------------------------------------------------------------
Am 10. Januar bi ig mit em Remo u em Sascha z'erscht mau i däm Jahr ga Fische.
Bi minus 20° ha ig e schöni 36er Rägebogeforäuä chönne zum Loch usezieh.
-------------------------------------------------------------------------------------------------------------------------------------
2009
Z'Ischtig 7.7.2009 mit em Remo, Lücku und Adi im Näbu.
Wöus geschter so guet isch gange am Arnesee, hei mir doch dänkt, mir
näme nomau e alaouf u gö a Öschinesee.
Hüt hei mir dr Adi derbi (sorry Adi, ha leider kes Biudli vo Dir gmacht.
Hole mir no nache.), wo zum erschte mau uf Foräue geit.
U die wo gschicht vom Arnesee hei gläse, kenne die Story vom
Afängerglück. Är isch natürlech dä gsi, wo e schöni 30er Rägebögeler
usezoge het. Es isch nid so viu gange usser öppe die e schöni vor Angle.
Mir heis wieder fertigbracht, es Prachtsexemplar vom Remo sire
Ruete zverlüre (trotz zwene Kescher)! Am Schluss hets drei Foräue gä.
-------------------------------------------------------------------------------------------------------------------------------------
Teamevent vom 27. Februar 2009
Hüt bi ig mit mine Arbeitskollege und Kollegin ga Isfische. Wie gäng, we
ig da ufe chume schint d'Sunne!
Drei hei sogar zuegschlage! Das heisst si heisse ämu mau usezoge,
zuegschlage u dr räscht ha ig de g'macht.
|
D's Team vor Poscht IT234 und es Mitglied vo Huber & Suhner |
vorderi Reihe: Phippu, Mäxu und Vre |
 |
Jungs, bohre bohre...... |
|
......so isch guet |
 |
 |
Wede aui es loch hei, chöi mer afah! |
| ................poah, ha ig äs gails Mässer! |
 |
 |
.........söll emau cho!! |
| ätsch bätsch! I ha haut eine..... |
|
|
|
...nüt isch! Ig bi dr King |
 |
 |
|
1. Platz für e Ürsu (mitti). Är het dr
erscht ka! 2. Platz für e Phippu (rächts). 3. Platz für e Donat (links). Är het hiuf ka vo dritte u angeri Köder! |
----------------------------------------------------------------------------------
Freitag der 13. Februar 2009!
Zum erschte mau ga ig ga Isfische. Bi prächtigem Wätter versuech ig mis
Glück.
Leider ha ig ke Fisch chönne dür z'Loch usezieh (nid wäg dr Grössi). I
ha aber immerhin zwe bisse gspührt!
Nachfougend es paar Biudli vo däm Nammitag......
----------------------------------------------------------------------------------
2007
Am Fritig 19. Oktober 07 si dr Märcu u ig nach Kanderstäg a Öschinesee. E absolute Höhepunkt i mire chline Fischerkarriere. Troumhafts Wätter het üs begleitet. Trotz 0 Grad si mir öppe am haubi zähni uf ds Boot.
Wo de ändlech d'Sunne isch füre
cho, si dr Märcu u ig grad e chli i Stress cho. Es isch war, zwüsche düre het
jede a beidne Ruete e Forräue kah.
U das isch äbe ds' Häiläit......
Beidi hei es Six-Päck kah. U so
heim mir haut dä schön Tag mit vouem Rucksack chönne beände.
Biuder vom Märcu, sött ig de
villech o no äbercho. De chöit dir die hie scho baud aluege.
Ändlech, i has gschafft! Sisch nid nume am Märcu si fähler gsi, dass die Biudli
ersch itze (5.1.2009) uf d'Site chöme!
Umso schöner sisi!
|
Copyright © 2011 mc-homepages. Webdesign by Max Christen Last updates: Fritig 11.Novämber --> Aare und Schiffenensee Sunntig 16. Oktober --> Bielersee |
............zum Gästebuch |