Bielersee
2011
Dr Remo u ig hei am Sunntig 16. Oktober am Hansueli, vo Ligerz, sis Boot dörfe bruche.
Dr Remo isch z'erscht mau uf Fäuchejagd. Mir hei de o je öppe es Dutze ka. Leider aui ungermässigi u so hei die
wieder zrügg i See dörfe. Ungerem Motto "es isch gengno e Fisch"!
Zur grosse fröid, het dr Remo de glich no sis erschte mässige Fäucheli chönne hei nä.
Sogar d' Michèle het du gfunge, es sig de fein gsi, das Fischli!
Am 23. Septämber ha ig dörfe Gascht si bim Mänu uf sim Boot.
Är het mir zäme mit sire Fründin dr Sarah zeigt wie me tuet Fäuchele.
Nach chline Afangschwirigkeite, bi ig de doch no fängig worde.
Vo luter konzentriere u fröid a däm schöne Tag, ha ig leider e chli vergässe z'Fötele.
Es hätti nämlech es paar tolli Biudli gä, wöu dr Mänu hetz schono im Griff (me cha Ihn übrigens ou aus Guide bueche)!
Merci viuviu mau Öich zwöine, es het mega viu Spass gmacht!
-----------------------------------------------------------------------------------------------------------------
2009Am 28. Juli bi ig zäme mit em Beat vo Gampele us uf e Bielersee üses Glück ga probiere.
Vouer Zueversicht si mir via Zihlkanal über i Bielersee. Leider, isches nume bim Bootfahre blibe.
Es Fischli wär es Fischli gsi. So si mir am Abe zrügg uf e Campingplatz, wo mir vore Chochete vor Marianne
si verwöhnt worde (sorry, ha leider kehs Biudli vor Marianne. Vilech chöi mir das ja mau nache hole).
|
Copyright © 2011 mc-homepages. Webdesign by Max Christen Last updates: Fritig 11.Novämber --> Aare und Schiffenensee Sunntig 16. Oktober --> Bielersee |
............zum Gästebuch |