Im Ämmitau
| 2011 | |
| Judihui....! Isch das
wieder e Wuche gsi! Am Donschti 8. Septämber bi ig hingere nach Langnou gfahre i d'Ämme-Valley-VIP-Lodge! Dr Wättergot hetz guet gmeint mit mir! E Wuche, besser hättmes nid chönne ha. Sunne u Tämperature um die 27 Grad. Am Fritigmorge het de ou scho dr Wecker am viertuvorsächsi g'lüttet. Öppis vor de sibne, bi ig z'erschtmau i d'Ämme gstoche. |
|
 |
Bereits nach wenige würf, hets scho zümmftig grummplet a mire Ruete....... |
| .....e wunderschöni u fetti 32er |
 |
| Es het regumässig zabblet. Mau grösseri u mau chlineri...... | |
 |
 |
| Leider gits ou im Ämmitau "Souhüng"! Sorry, i cha dene nid angers säge, wo ire Abfau eifach lö la lige. Schärbi u Dosene auess Sache, wo ig nid wott aträffe ir Natur. BITTE, nähmet Eue Abfau wieder mit hei! So besteit ou keh Gfahr, das es Chind, oder ou Du Dir schwäri Schnittwunde housch, we Du gärn im Wasser und uf de Steine umeloufsch! |
 |
 |
Wär chunnt de da????? I bi scho chli überrascht! Dr Wauter het doch klammheimlich im letschte Winter ds Sana-Brevet gmacht u isch mir plötzlich ir Ämme entgäge cho! SUPER Wauter, mi het das gfröit wie verruckt! U so hei mir zwe e paar gmeinsami und unbeschriblechi Täg zäme ir Ämme verbracht! |
| ....da hei sech zwe Fründe troffe! |
 |
 |
Ämme uf.... Ämme ab! |
| ...ou mi Gaschtgäber het aues gä... |
 |
 |
...und ou übercho! |
| Natürlich ha ig nid nume gfischet! Mir si ou ufe i d'höchi vo dere märlihafte Umgäbig. D Rosmarie u dr Wauter hei mir zeigt, dass es nid immer im Usland muess si, um schöni Eggeli zfinge. Nach däm Usflug si mir näbschte schöne Gägend ou mit e paar Piuzli hei cho. |
 |
 |
 |
 |
 |
Wie gseit! Ir Ämme-Valley-VIP-Lodge
wird me nach Strich u Fade verwöhnt! Drum het die Lodge ja das
Jahr ou dr sibet Stärn übercho! |
 |
 |
Natürlich hei mir ou wieder g'Fischt.... u gfange! |
 |
 |
| Was am letschte Tag isch
passiert, tönt wie nes schlächts Märli! Dr Wauter u ig si am
Morge am Wasserlouf nach ufe gloffe. Es paar heftigi Zupfer und
es paar chlinere Fischli isch auess gsi, was mir a däm Morge hei
übercho. Am Nammitag isch de no dr Stöffu zu üs gstosse. Wärend
däm mir a ne angeri Steu si gloffe, ha ig so gseit, das ja der
letscht Foräuetag ir Ämme isch, so e schöni Abschlussforäue! Das
wärs itze no! Vo mene Monschter ha ig aber nüt gseit! |
|
 |
 |
| Liebi Rosmarie, liebe
Wauter, Merci viu mau für Eui Härzlechkeit u Gaschtfründschaft! Die Wuche vom 8.-15. Septämber isch für mi eini vo de schönschte im Jahr. I hoffe, dass ig wieder bi Euch im 2012 darf logiere! |
|
|
--------------------------------------------------------------------------------- |
|
| 2010 | |
| Vom 9.-15. Septämber ha ig
wieder ir Ämme-Valley-VIP-Lodge dörfe residiere. Wie immer bi ig verwöhnt worde mit Gastfründschaft vom finschte. Merci Rosmarie u Wauter. Ou Fische hei mi verwöhnt...... |
|
 |
 |
 |
 |
| ---------------------------------------------- | |
| 29. Juni um die 30 grad.
Ändlech wieder emau a d'Ämme. Vom haubi sächsi bis am zähni hei
dr Stöffäli u ig üs wieder heimisch gfüeht. U das ou mit Erfoug. I ha mini gröschti Foräue usezoge (40er). Derzue isch no e 37er u e 27er derzue cho. Dr Stöffäli het e 27er, u zwe 28er chönne ipacke. |
 |
 |
 |
-----------------------------------------------------------------------------------------------------------------
2009
Im letschte Jahr (2008) het mir dr Stöffu zeigt, wie me i de Flüss duet Fische. Natürlech ha ig das i däm Jahr so früeh wie müglech wieder
weue ga üebe! So si mir zwe am Mäntig 16. März a d'Ämme gfahre. Sorry mir drü, wöu d' Julia isch ou mit cho, ämu bis zum Grosi z'Langnou.
| Hüt hei mir aues probiert. Ou üse Glücksbringer d'Julia hei mir mitgno itz Ämmitau! Si isch aber nit mit üs cho, da louft z'weni! Si isch viu lieber zum Grossi, da louft meh........ |
 |
 |
Äs isch äbe scho no chli chaut gsi......... |
| ..........aber Spass hetz allemau g'macht |
 |
 |
...u schön isch es ersch no gsi! |
| Am Stöffeli isch es z'chaut gsi! U d'hoffnig het är scho gli ufgä... |
 |
 |
aber hie söttis doch eini ha? |
Nachdäm dr Morge ume isch, hei mir zur Rosmarie dörfe ga e feini Gulasch ga ässe (merci viu mau).
Mitti Nammitag, si de mir drü wieder hei gfahre. Zwar ke Fisch im Sack, aber einisch me, e ganze Tag vorusse ir schöne Natur gsi!
-----------------------------------------------------------------------------------------------------------------
Ferie im Ämmitau 11.09.2009 - 15.09.2009
Sächs Täg fische im Ämmitau und derzue sech la verwöhne vo Rosmarie und vom Wauter!
Was wott me no meh?
| Üsi Gaschtgäber; Rosmarie und dr Wauter hei z'Prädikat 7-Stärn Fischer-Lodge me aus verdient. |
 |
 |
Schwins-Steak mit
Eierschwümm umene deftige Härdöpfusalat. Derzue es feins Tröpfli Amarone! |
| Dank däm, dass z'
Fangmass vo de Foräue ir Ämme vo 24 uf 26 cm erhöht worde isch, verwütschtme öppe die ganz schöni Fischli wo öppis grösser oder de ganz gross si. |
 |
 |
Wär nid säuber eini ir
Hang het ka, cha fasch nid gloube wie schön die Foräuene si! |
| Viu schöni Kunst trifft me ir Ämme a. |
 |
 |
...eifach geniau! |
| Kilometer si mir d'Ämme
uf u ab. Vom morge am haubi sibni bis am Abe am sächsi. Am zähni hei mir e Früehstücksstop bi Rosmarie und Wauter gmacht. Da hets es scho gä, dass dr het Stöffu es "Powernapping" gmacht het. |
 |
 |
Trotz wenig Wasser, dr
Stöffu het mir zeigt, wie me die Farios zu de Löcher use lockt. |
 |
 |
| Üser Spure hei mir ir u
ar Ämme hingerla. Mänge Momänt wird unvergässlech si. Was hei mir wärend dene 6 Täg eis zäme g'lacht. Vorauem am Abe, wöu mir hundemüed vo däm Steineloufe si gsi. Merci Rosmarie und Wauter für d'Beherbergig und Dir Stöffu für die schöni Zyt. |
|
|
Copyright © 2011 mc-homepages. Webdesign by Max Christen Last updates: Fritig 11.Novämber --> Aare und Schiffenensee Sunntig 16. Oktober --> Bielersee |
............zum Gästebuch |