Ar Aare und so....
2011
| 30. Okotber: Dr Stöffu,
wer hätti das gloubt, hets doch no gschafft, dass är mit dr Flöigeruete mit isch a d'Aare cho. I dänke am Stöffäli het das gfaue. U äs hät ja ou nid angers chönne si, dass är scho nach wenige Würf scho kontakt het ka mit emen Äsch. E so wie dr Hagge het usgseh, muess es es gröbers Kaliber gsi si. Wöu dr Hagge, isch äbe ke Hagge me gsi! Scho me e Nagu. 
 Bim zwöite Biud, weiss ig nid genau was das söu si! Äch es Wasserballet?  Wär hätti das gloubt! Hüt am 18. Oktober, bi ig z'erscht mau mit dr Muggeruete a d'Aare. Mi Mission, mi erscht mässig Aesch ir Schwiz! Nach etleche Würf u mehrfache Muggewächsu, hei si de ändlech afa bisse. Auess e chli ungermässegi. Plötzlech chummeni a nes schöns Löifli. Aber ou dört nüt. Jä nu, tüe mir haut einisch meh z'Müggeli tusche u das schickeni grad wieder i das Löifli. Yappadappatuuuuu............. Mi erscht mässig Aesch ha ig ar Ruete! Wie gross är isch weiss ig erscht öppe 10 Minute später. Är isch mir immer wieder zrügg i d'Strömig. Aber denn ha ig dä erfougrich chönne zum Wasser usse näh. I chas fasch nid gloube! Mit emene prächtige 46er ha ig mi när ganz Stouz uf e Heiwäg gmacht. D'Saison isch no nid fertig........... 
 Am 19. Februar si dr Remo u ig spontan a d'Aare zur Rewag abe. Dr Versuech uf Hecht isch gross gsi. Bi früehlighafte Temparature si mir dört am Blindarm vor Aare gsässe u die schöni Zyt gnosse. Dr Remo üsse Jigger het mir bewise, dass är üsse Jiggerking isch! |
|
|
Nach emene imposannte Drill, het är doch e schöne 75er chönne uselüpfe. Merci Remo...... |
 |
|
Copyright © 2011 mc-homepages. Webdesign by Max Christen Last updates: Fritig 11.Novämber --> Aare und Schiffenensee Sunntig 16. Oktober --> Bielersee |
............zum Gästebuch |